Lolit Solis, ibinahagi kung bakit mas macho raw ngayon sina Dingdong Dantes, Hayden Kho at Vic Sotto
Nagpaabot ng paghanga ang beteranong showbiz writer at talent manager na si Lolit Solis sa mga celebrity dads na sina Dingdong Dantes, Hayden Kho at Vic Sotto sa isang Instagram post.
Ayon kay Lolit, mas macho na tingnan ang mga lalaking karga-karga at hinehele ang kanilang mga anak.
“Ang cute tingnan nila Dingdong Dantes, Dr. Hayden Kho, at Bossing Vic Sotto na karga-karga, hele-hele, at pinapadudo sila Zia, Scarlet at Talitha. Talagang iba na [ang] panahon, mas macho tingnan ang mga lalaki na may anak at alagang-alaga nila,” ani Lolit.
READ: Lolit Solis, may napansin na pagbabago kay Dingdong Dantes
Ito rin ang nagustuhan niya sa pagbabago ng parenting style dahil noong araw ay ang mga nanay lang ang makikitang nag-aalaga, nagpapadede, nagpapakain at nakikipaglaro sa mga anak.
“Nung araw bihira ang mga lalaki na makikita mo na nagkakarga ng anak nila o may dala ng milking bottle. Common na makikita mo [ay] mga nanay na nag-aalaga ng anak, nagpapadede, nagpapakain at nakikipaglaro,” dagdag niya.
“Heart warming at very sweet talagang tingnan. Ang cute nila habang nasa dibdib nila iyon babies na para bang safe na safe sa arms ng mga daddy nila.”