Kris Aquino to attend preliminary hearing of her complaint vs financial abuser

Inaasahan ang pagharap ngayon ni Kris Aquino sa Mandaluyong Prosecutors' Office ngayong hapon, November 15.

Ito ay para sa preliminary investigation para sa reklamong qualified theft na isinampa niya sa dati niyang business partner at talent agent, na ngayo'y inaakusahan niya bilang “financial abuser.”

Ayon kay Kris, haharap siya sa Mandaluyong Prosecutors' Office kahit masama ang pakiramdam.

Aniya, “In advance i apologize, i have the flu-but i'll show up because JUSTICE DELAYED is JUSTICE DENIED.”

Bago ito ay naglabas ng official statement si Kris tungkol sa diumano'y paratang sa kaniyang paggamit ng “charm” upang pormal nang maging kaso ang reklamong kaniyang inihain sa San Juan Prosecutors' Office.

READ: Kris Aquino on her financial abuser's "delaying strategy": "Nakakabaliw"

Tungkol din dito ang mga naging pahayag ng TV host/actress/celebrity influencer sa kaniyang Instagram Live session kagabi, November 14.

Ani Kris, ginawa niya ang live video dahil pinayuhan na raw siya ng abugado na matapos ang pagharap niya mamaya sa Mandaluyong Prosecutors' Office ay hindi na siya magsasalita tungkol sa isyu.

Bilang patunay umano na hindi niya ginagamit ang anumang koneksiyon niya para umusad ang kaniyang reklamo, hinamon ni Kris ang kaniyang “financial abuser” na dalhin ang kaso sa labas ng Metro Manila.

Bukod sa San Juan, Mandaluyong, at Quezon City, nagsampa rin ng reklamo si Kris sa kaniyang “financial abuser” sa Makati, Manila, Pasig at Taguig.

Sa parehong Instagram Live session, nabanggit din ni Kris ang umano'y masamang hiling ng isang tao konektado sa kaniyang “financial abuser” tungkol sa kaniyang kalusugan.

Sabi ni Kris, “Sinabi niyo, baka 'pag nilabas namin 'yung iba pa naming alam sa inyo, baka kung anong sakit magkaroon ka.”

Tila sagot ito ni Kris sa cryptic Instagram post ni Jesus Falcis, ang nakababatang kapatid ni Nicko Falcis, ang hinihinalang “financial abuser” ni Kris.

Si Nicko ang ipinakilalang business manager ni Kris bago mangyari ang isyung ito.

Ang post ni Falcis ay para sa binansagan niyang “Rich Girl Gone Crazy ala Gone Girl.”

Bagama't hindi niya ito pinangalanan, matatandaan na naging bahagi ang 47-year-old celebrity endorser ng Hollywood movie na Crazy Rich Asians.

Sa post, iginiit niya, “Una, walang ninakaw. Ikalawa, ikaw binantaan mo buhay nya. Baka ano na namang sakit makuha mo pag kami na naglabas ng mga ALAS namin. Ikatlo, fighter kami lalo na Mom namin.

“If you're going to go back to your strategy of using your PR connections to defame him, be careful what you wish for you just might get the publicity you so crave.

“Remember, kay Duterte nga di ako takot eh. Ikaw pa kaya?”

Kaninang umaga, November 15, nagsagawa ng press conference si Jesus Falcis para sagutin ang ilang pahayag ni Kris Aquino.

Dito, diniin niyang walang basehan ang reklamong qualified theft na isinampa laban sa kaniyang kapatid.

Sa statement na kaniyang binasa, sabi ni Falcis, “My brother, Nicardo Falcis II, did not commit 44 counts of qualified theft under Article 310, in relation to Articles 308 and 309, of the Revised Penal Code whether for 1.2 million pesos or any amount.”

Sa naunang statement na inilabas ng kampo ni Kris, inakusahan si Nicko Falcis na, “exploiting his position of trust and confidence” dahil sa paggamit niya ng corporate credit card account ng Kristina C. Aquino Productions o KCAP para sa kaniyang personal expenses.

Nakasaad umano sa reklamo ni Kris, “In all, respondent had charged P1,270,980.31 to the KCAP Card for personal expenses without my consent.

“Prior to my discovery of these expenses and demand for their payment, respondent neither informed me about them nor undertook or made arrangements to settle them.”

Naglabas din si Kris ng Instagram video kagabi, November 14, na nagpapakita ng isang credit card statement.

Pero giit ni Jesus Falcis, “That cannot be qualified theft. There can be no qualified theft with a credit card charge. At most, it's an utang! Common sense for people, utang ang credit charge.”

Ipinaliwanag din niya na may magkahiwalay na credit card na naka-issue sa pangalan ng kaniyang kapatid at kay Kris ngunit sa ilalim ng account ng KCAP.

Aniya, “If my brother uses Nicardo Falcis II, it doesn't mean that he's not authorized because ang practice din nila, when they opened that account, my brother can charge under his own name but ultimately chargeable to KCAP.

“My point is, Kris knows that if my brother has a charge that is purely personal, in the meantime, it's okay but, 'pay me later.'”

“So, I don't know why she's filing these cases, 'no? My brother, again, will be the one to say why she's filing these cases in retaliation, out of spite, whatever.”

Kaugnay nito, inamin ni Falcis na nag-issue ng tseke ang kaniyang kapatid bilang kabayaran sa credit card charges na diumano'y ginamit nito for personal use.

Sabi ni Falcis, “The check that was actually issued was for PHP437,000. So, that is, what is out of goodwill, my brother will not… 'Okay, if you say that is not justified I'll pay it.'”

Inihayag din ni Jesus sa statement na binasa niya sa press conference na kaya wala sa Pilipinas ang kaniyang kapatid ngayon ay dahil sa pagbabanta ni Kris.

“Contrary to the claims of Ms. Aquino and her lawyers, my brother staying abroad is not an indication of guilt. She took away my brother from our family. My brother is forced to stay abroad because of serious threat to his person and his safety.”

Sa huling bahagi ng press conference, binigyang-diin ni Jesus Falcis na malaki ang naitulong ng kaniyang kapatid na si Nicko sa digital brand ni Kris Aquino.

Aniya, “My brother helped Ms. Aquino a lot. Her digital… Facebook webisodes, branded endorsement deals… my brother closed 54 brands for Ms. Aquino.

“Including Crazy Rich Asians. Of course, he's not the only one ha. I'm not saying my brother is the only one who delivered CRA or Crazy Rich Asians, but he was part of it.”

Patuloy raw na sasagutin ng kanilang pamilya ang anumang akusasyon ni Kris laban kay Nicko.

"We will continuously answer the legal charges and follow due process, our family is a strong believer of due process."

Sinabi rin niya na, "We are open to a settlement or amicable agreement."