Kapuso shows and personalities, wagi sa 3rd Mabini Media Awards

Wagi ang ilang programa at personalidad ng GMA Network sa 3rd Mabini Media Awards ng Polytechnic University of the Philippines.

Kinilala si Jessica Soho bilang Best Magazine Program Host para sa Kapuso Mo, Jessica Soho, at bilang Best Female News Program Anchor para sa State of the Nation Address. Panalo rin ang kanyang programang Kapuso Mo, Jessica Soho bilang Best Magazine Program. Samantala, pinarangalan naman si Mike Enriquez bilang Best Male Nwes Program Anchor at ang programang 24 Oras bilang Best Primetime News Program.

Nakatanggap din ng pagkilala ang Imbestigador bilang Best Public Affairs Program, ang I-Witness bilang Best Documentary Program, at Pepito Manaloto bilang Best Comedy Program.

Para naman sa categories ng radyo, pinangalanan bilang Best News Program Host si Mike Enriquez, bilang Best Public Service Program Host si Nathaniel “Mang Tani” Cruz, at bilang Best Public Service Program ang IM Ready sa Dobol B.

Tinanghal naman na Best Online News Portal ang GMA News Online.

Ang paggawad ng mga parangal ay naganap sa Bulwagang Balagtas, Ninoy Aquino Library and Learning Resources Center, PUP A. Mabini Campus, Sta. Mesa, Manila nitong Sabado, November 17.

Congratulations, mga Kapuso!