Panoorin ang kambal na magkaiba ng tadhana sa 'My Golden Life'

Dadalhin ng GMA sa bansa ang isa sa highest-rating at award-winning Korean drama ngayong taon, ang My Golden Life.

Simpleng empleyado lang si Gillian (Shin Hye-sun) hanggang mabangga niya ang sasakyan ni Dion (Park Si-hoo), ang tagapagmana ng kanyang pinagtatrabahuhan.

Ang kambal naman ni Gillian na si Giselle (Seo Eun-soo) ay nagtatrabaho sa isang local bakery. May paghanga siya kay Luke (Lee Tae-hwan), pero hindi niya alam na may gusto ito sa kaniyang kambal na si Gillian.

Sa isang pagkakamali ng kanilang ina, mababago ang buhay ng kambal at ng mga lalaking nakapaligid sa kanila.

Ipakikilala si Gillian bilang nawawalang kapatid ni Dion kaya maninirahan siya sa bahay ng mga Choi. Ngunit siya nga ba talaga ang nawawalang kapatid?

Abangan 'yan sa My Golden Life sa GMA Heart of Asia.