Dennis Trillo thanks Jennylyn Mercado for his MMFF Best Actor award

Special mention si Ultimate Star Jennylyn Mercado sa thank-you post ni Dennis Trillo pagkatapos nitong manalo bilang Best Actor sa Metro Manila Film Festival 2018 para sa pelikulang One Great Love.

READ: Dennis Trillo, Max Collins, Gloria Romero win big at 2018 MMFF Gabi ng Parangal

Sa kanyang Instagram, pinasalamatan ng Cain at Abel star ang mga mahal niya sa buhay, kabilang ang aktres.

Aniya, "Ang lahat ng ito ay hindi ko magagawa kung hindi sa tulong ng lahat ng mga mahal ko sa buhay. Salamat sa inyong pag-aalaga at pagmamahal sakin lalo na kay @mercadojenny [Jennylyn]."

Nagpasalamat din siya sa kanyang mga kasamahan sa pelikula, at binalikan din ang unang beses na nanalo siya ng award sa MMFF.

"Labing apat na taon mula noong ako'y unang nakatanggap ng ganitong parangal, para sa pelikulang Aishite Imasu 1941 directed by Joel Lamangan, na siya ring pinaka una kong pelikulang nagawa sa buong buhay ko.

"Salamat po Mother Lily sa pagtitiwala noon pa man, hindi hindi ko po yun makakalimutan. Taos puso din ang aking pasasalamat kay Miss Kim Chiu, JC de Vera, Marlo Mortel at Miles Ocampo. Lahat ay magagaling at seryoso sa trabaho, mapalad at proud akong nakagawa ng proyekto kasama kayo.

"Malaking bagay din ang tulong at pag gabay ng aming director na si direk Eric Quizon."