Gina Alajar pays tribute to Armida Siguion-Reyna

Nagbigay-pugay ang multi-awarded actress at Onanay director na si Gina Alajar sa yumaong entertainment icon na si Armida Siguion-Reyna.

Sa kaniyang Instagram post, sinabi ni Gina, "paglaki ko gusto kong maging katulad mo... matalino, matapang, may paninindigan, at mayaman..."

Ibinahagi din ni Gina na anak ang turing sa kaniya ng late actress/singer.

Sulat niya, "tumaba ang puso ko ng sinabi ni Monique [Villonco] at Bibeth [Orteza] na ako ang iyong other daughter habang pinapakilala sa kanilang mga kaibigan..."

Sulat pa niya, "Sabi ko sa sarili ko, Tita Midz, maraming salamat sa iyong pagmamahal, dama ko 'yun, salamat at itinuring mo akong anak.

"Salamat sa pagtitiwala mo, salamat sa mga itinuro mo sa akin... mananatili 'yun sa puso ko...

"Mahal na mahal kita -- ang iyong anak, Gina."

Pumanaw si Armida noong Lunes, February 11, sa edad na 88 sanhi ng cancer.

Ayon sa Facebook post ng writer/director na si Bibeth Orteza, ang memorial service para sa kaniyang mother-in-law ay hanggang Biyernes, February 15, alas 11 ng gabi sa Heritage Memorial Park sa Taguig City.