'Hindi naman kailangan...' - Michael V. on doing an intimate scene with Dawn Zulueta

Puring puri ng mag-asawang Michael V. at Carol Bunagan ang leading lady sa pelikulang 'Family History' na si Dawn Zulueta. Gaganap si Dawn bilang si May Dela Cruz, ang asawa ng karakter ni Michael V. na si Alex.

Sa panayam ng entertainment press, nagpahayag si Carol, executive producer para sa Mic Test Entertainment, ng kasiyahan sa pagtatambal ni Dawn at ng asawa niyang si Michael V. Ayon pa sa kanya kakaibang tandem daw ang handog ng dalawa na tiyak na ikatutuwa ng mga fans nila.

Nang tanungin s'ya kung bakit si Dawn Zulueta, ang madiing isinagot nito ay: “Unang-una si Dawn. That's Dawn Zulueta. Hindi natin matatawaran ang galing niya at at saka siyempre 'yung following niya, 'di ba. Ako, medyo adamant ako sa idea na it has to be Dawn. Parang who would think that Michael V. and Dawn Zulueta will ever come out in a movie?”

Pinuri din ni Michael V. si Dawn at sinabi nitong "very professional" ito tuwing may shooting sila sa 'Family History.'

Wika ni Michael, "Acting wise, ang galing ni Dawn, very professional. Ang galing niya magkabisa ng linya."

Sa pagtatambal nila bilang mag-asawa, sasabak ba ang dalawa sa mga intimate scenes sa nasabing pelikula?

Binigyang linaw ng Kapuso comedy genius na tatayo ang mga karakter nila ni Dawn na sina Alex at May kahit wala silang intimate scenes.

"Ako, aware sa status niya as a married woman. Ako rin, aware sa status ko. Never niyo naman ako nakitang naging intimate with anyone on screen that's because the image ko, 'yung career path ko, is not going that direction."

Dagdag pa ni Michael V.: "It's unnecessary, and without revealing too much of the plot, parang hindi naman kailangan sa script."

Ang 'Family History' ay joint movie project ng Mic Test Entertainment, production company nina Michael V. at Carol Bunagan, at ng GMA Pictures na dapat paka abangan ng mga manood.