Andre Paras at Joyce Ching, loyal Kapuso pa rin!
Nananatiling loyal Kapuso ang Kapuso TV host at actor na si Andre Paras at ang Kapuso actress na si Joyce Ching matapos pumirma ng kanilang management contracts sa GMA Artist Center noong Martes, Marso 19.
Lubos na nagpapasalamat si Andre sa mga proyektong ipinagkakatiwala sa kanya ng GMA.
“Sobrang saya ko sa lahat ng ibinibigay ng GMA. I'm very happy that they are exploring the other talents that I may have, in hosting, comedy and acting. Sobrang thankful ako kasi the Network really trusts me and of course, I trust them with my career. I'll do everything to continue making people happy. That's something I'm always proud to be doing,” saad ng Kapuso heartthrob.
Isa si Andre sa mainstays ng comedy-musical variety program na 'Sunday PinaSaya.' Ngayon taon, mapapanood din si Andre sa ikalawang season ng top-rating singing completion na 'The Clash' bilang backstage host kasama si Joyce Pring.
Ibinahagi niya rin kung ano ang dapat abangan ng Kapuso viewers sa upcoming season ng programa, “It's going to be bigger and more exciting. As much as I want to share kung ano pong mangyayari, I can just say that it's going to be different and it's something to look forward to,” saad ng Kapuso heartthrob.
Samantala, natutuwa naman si Joyce Ching sa pananatili niya sa itinuturing niyang pangalawang tahanan sa loob ng labing-apat na taon, ang GMA.
“Masaya ang stay ko with GMA kasi ang dami kong natututunan in terms of sa mga roles na ibinibigay nila sa akin at hindi talaga nila ako pinapabayaan ever since kaya sobrang thankful and grateful talaga ako sa GMA Network for giving me the chance to explore my talents,” anya.
Sa kasalukuyan, napapanood si Joyce bilang Astrid Chua sa Afternoon Prime Series na Dragon Lady.
Ipinahayag ni GMA Entertainment Group Senior Vice President Lilybeth G. Rasonable ang kanyang kasiyahan sa pagiging loyal Kapuso ng dalawang GMAAC stars.
“We're very happy that they decided to renew with GMA Network and GMA Artist Center. We appreciate their loyalty and we also remain loyal to them. Si Joyce, napakagaling umarte. Si Andre naman, he's developing into a very good host, a comedian and also a dramatic actor. Pareho nating patuloy na iho-hone ang kanilang talents,” lahad ng GMA executive.
Dumalo sa contract signing nina Andre at Joyce sina Senior Vice President for Entertainment Group Lilybeth G. Rasonable, Senior Assistant Vice President for Alternative Productions Gigi Santiago-Lara, at GMA Artist Center Senior Talent Manager Vic del Rosario.