READ: Jinkee Pacquiao clears money issue with Claudine Barretto: 'Wala siyang utang.'

Nilinaw ni Jinkee Pacquiao na walang utang sa kaniya ang aktres na si Claudine Barretto matapos magkaroon ng issue sa pagitan nilang dalawa.

Inakusahan ng beteranang showbiz columnist at talent manager na si Lolit Solis na hindi pa nakapagbabayad ng utang si Claudine kay Jinkee.

Sa kaniyang Instagram post, ibinahagi ni Claudine ang komento ni Jinkee nang siya ay mag-Instagram live.

"Mare, ipapaalam ko lang sa kanila na wala kang utang sa akin.At wala din tayong business. Masaya ako na friends tayo at kumare kita. I love u mare!" komento ni Jinkee.

Nagbigay din ng pahayag ang nakatatandang kapatid ni Claudine na si Gretchen, na nagsabing ang isa pa nilang kapatid na si Marjorie ang nagpapakalat ng issue.

"@jinkeepacquiao Thank you so much for clearing this issue," sabi ni Gretchen sa post ni Claudine.

"I will be forever grateful to you. I am not blaming my friend tita cristy fermin & tota Lolit [Solis].

"We investigated and was told that Marjorie Barretto is the [one] spreading the (utang issue). Low blow."

Nag-react naman si Lolit sa pagtawag sa kaniya ni Gretchen ng 'tota' sa kaniyang Instagram.

"Naku ha hindi ko kaya powers ni Gretchen Barretto," panimula ni Lolit.

"Ano ang magagawa ng isang 72 years old powerless na senior citizen na tulad ko sa isang very powerful, mayaman at reyna ng kagandahan tulad ni Gretchen?

"Siyempre ang manginig sa takot dahil hindi mo alam how far Gretchen will go sa threat niya sa isang powerless, moneyless old woman na tinatawag niyang Tota Lolit.

"Well, I cannot simply say sorry dahil siyempre baka hindi niya tanggapin. So whatever Gretchen feels to do with a powerless, moneyless, old senior woman like me, tanggapin ko na lang."