#StandWithUs: Netizens, tumutok sa pilot episode ng digital newscast na 'Stand For Truth'

Proud ang multi-awarded broadcast journalist na si Atom Araullo dahil nagsimula na ang pinakabago nilang digital newscast na Stand For Truth.

Makakasama niya sa groundbreaking program na ito na handog ng GMA News and Public Affairs at YouTube sina Kapuso resident political analyst Richard Heydarian at Unang Hirit host Joyce Pring.

Sa Tweet ni Atom, pinuri niya ang buong team ng Stand For Truth para sa effort na ibinigay nila sa paglunsad ng digital newscast.

Aniya, “Pilot episode of Stand For Truth is out! So proud that the team has taken on the challenge of producing a daily, news-driven digital show. Hoping to build on what we've started to continue and fine-tune the format. Tell us what you think! Constructive feedback is appreciated :)”

Bumuhos naman ang positive reviews ng mga netizen na napabilib sa pilot episode ng Stand For Truth.

Ang ilan, tinawag na “future” of news reporting ang bagong online show ng Kapuso Network.

Panooring ang first episode ng Stand For Truth.