EXCLUSIVE: Miguel Tanfelix, nasubok sa horror film na 'Banal'

Kakaibang experience para sa young Kapuso actor na si Miguel Tanfelix ang pagsho-shoot ng horror movie na Banal ng APT Entertainment.

Makakasama ni Miguel sa pelikulang ito ang kaniyang constant on-screen partner na si Bianca Umali.

Tinawag ni Miguel na 'emotionally' at 'physically' draining ang paggawa nila sa Banal lalo na at ang location ng pelikula ay nasa Subic, Zambales.

Kuwento ni Muguel sa GMANetwork.com, “Emotionally and physically [draining] kasi shino-shoot sa forest talaga at sa bundok.

“'Tapos mayroon pa kaming underwater scenes, so physically draining.

“Pero fun kasi siya, first time ko mag-horror film and I just saw the trailer ang ganda, hindi ko ine-expect na ganun 'yung trailer.”

Hindi daw dapat palagpasin ng moviegoers ang kanilang pelikula dahil binigyan nila ito ng ibang atake sa typical Pinoy horror movies.

Saad ni Miguel, “Kakaiba siyang horror film sa Pilipinas kasi we are use of seeing horror films na jump scares, but this is a different film.”

Mapapanood ang Banal starting this May 29, 2019.