WATCH: Dingdong Dantes more motivated now that he's a father of two

Umapaw ang kagwapuhan ni baby Jose Sixto Dantes IV sa social media na ani ng ilan ay kamukha ni Marian Rivera habang ang iba nagsasabing kamukha ito ng kanyang ama na si Kapuso Primetime King Dingdong Dantes.

Pero sabi ni Dingdong, “Ako? Sino ba? Di ko talaga masabi, nag-iiba araw-araw eh.”

Para sa Kapuso actor, mas naging determinado na raw siya sa buhay ngayong lumalaki na ang kaniyang pamilya.

Aniya, “Pangarap talaga siya at pinagdasal talaga namin.

“One thing is for sure - it doesn't get easier.

“In terms of building a family, lahat ng ginagawa ko at ang gagawin ko ay talagang para sa kanila ito.

“Kaya mas motivated ako, mas determined, at mas masaya.”

LOOK: Jose Sixto Dantes IV is an answered prayer according to Marian Rivera

Sa katunayan, may bagong hamon siyang haharapin dahil inanunsyo kahapon ang kaniyang pagganap bilang si “Big Boss” sa Pinoy adaptation ng Descendants of the Sun.

Isa ang bagong serye sa mga proyekto ng Primetime King ngayong taon sa Kapuso network na nagsilbing tahanan na niya sa mahigit dalawang dekada.

Lalu pa itong pinagtibay ni Dingdong nang pirmahan niya ang kaniyang bagong kontrata sa GMA kasama ang ilang GMA executives tulad na lamang nina Chairman and CEO Felipe Gozon, President and COO Gilberto Duavit Jr. at SVP for Entertainment Group Lilybeth Rasonable kahapon.

Panuorin ang buong chika ni Nelson Canlas:

Dingdong Dantes is still a Kapuso after 21 years