Matapos talikuran ang showbiz at mga kontrobersiyang kinasasangkutan niya, naka-focus ngayon si Iwa Moto sa kanyang pamilya.
Imbis na magtanim ng galit, minabuti ni Iwa na kaibiganin ang dating asawa ng kanyang partner na si Pampi Lacson, si Jodi Sta. Maria, para sa kapakanan ng kanilang mga anak.
Sa ngayon, second mom kung ituring si Iwa ng anak ni Jodi kay Pampi na si Thirdy, gayundin naman ang Kapamilya actress sa anak ng 'StarStruck avenger' na si Hiromi.
Tingnan ang mga larawan ng 'modern family' ni Iwa rito:
Malayo sa tradisyonal na paraan nagsimula ang pamilya ni Iwa Moto.
Nagkakilala sina Iwa at Pampi Lacson dahil sa isang 'di pagkakaintindihan kung saan inakusahan ni Iwa ang ex-wife ni Pampi na si Jodi Sta. Maria ng pakikiapid sa kanyang ex-husband na si Mickey Ablan.
Nagbunga ang pagsasama nina Iwa at Pampi noong 2013 nang isilang ang kanilang first daughter na si Hiromi.
Matapos ipanganak si Hiromi, pinadalhan ni Jodi si Iwa ng isang libro tungkol sa breastfeeding at ito ang naging mitsa sa pag-aayos ng dalawa. Nanantiling maayos ang relasyon ng dalawang aktres at minsan nang lumabas kasama ang kanilang mga anak.
Napamahal na rin kay Iwa si Thirdy, na anak ni Pampi at Jodi Sta. Maria.
Sa katunayan, ipina-tattoo pa ni Iwa ang pangalan ni Thirdy sa kanyang paa.
Dahil na rin sa magandang ehemplo ng kanilang mga nanay, very close din sina Thirdy at Hiromi.
Sa larawang ito makikitang nagtungo ang pamilya sa Ilocos Norte para magbakasyon.
Narito sila kasama ang angkan ng mga Lacson.
Kahit busy sa kanilang mga anak, hindi naman nalilimutan nina Iwa at Pampi ang kanilang bonding time bilang partners.
Talagang maningning ang mga ngiti ng masayang pamilya nina Hiromi, Iwa, Thirdy at Pampi!
Ang paggawa ng TikTok video ang isa sa kanilang favorite bonding activities. Sa larawang ito makikitang sumasayaw ng "Savage Love" sina Iwa, Hiromi, Thirdy, at Jodi.
Parang mag-barkada lang sina Iwa at Thirdy!
Isa si Jodi sa mga unang bumati kay Iwa nang ianunsyo ng 'StarStruck' graduate ang kanyang second pregnancy. Ika ng Kapamilya actress sa baby ni Iwa, "Hello, we can't wait to meet you."
Maraming bumilib sa pagmamahal at pagtanggap ni Iwa sa kanyang stepson na si Thirdy. Pahayag ng isang netizen, "Mahal na mahal niya tlga Yung anak ni jodi Sana lahat ng step mom.. Katulad mo madam iwa."