WATCH: Manny Pacquiao, balik-ensayo para sa laban kontra kay Keith Thurman

Sa gitna ng pangangampanya bilang campaign manager ng kaniyang partido ay naayos na ni Senator Manny Pacquiao ang kaniyang susunod na laban sa taong ito.

Sa ulat ni Chino Trinidad, makikitang nagpapawis at nag-ensayo na ang 8 Division World Champion ilang araw matapos makumpirma ang kaniyang laban sa Hulyo 20 kontra sa Amerikanong si Keith Thurman para sa titulong “World Boxing Association Unified Champion.”

Ayon sa mga eksperto, mas bata, mas malakas, at mas matangkad si Thurman kaysa kay Pacquiao.

Ngunit hindi nabago ang ganitong sitwasyon sa 40-year old boxer.

Ani ni Pacquiao, “Si Thurman, undefeated 'yun eh so wala pang talo. Maganda 'yan na makalaban tayo ng wala pang talo.”

Pabor naman daw para kay Manny ang nasabing petsa ng laban kahit wala pang kumpirmadong venue.

“Kasi mahaba 'yung bakasyon namin sa Senate. Bali sa [July] 22 'yung resume ng session at SONA ng presidente.”

Unti-unting ibabalik ng boxer-turned-senator ang kaniyang kundisyon sa mga susunod na araw na pangangasiwaan ng kaniyang chief trainer at newly-elected Vice Mayor ng Polangui na si Buboy Fernandez.

Panoorin ang buong ulat ni Chino Trinidad:

WATCH: Manny Pacquiao, hands-on coach to son Jimuel

LOOK: Manny Pacquiao and son Israel are like two peas in a pod