Max Collins at Therese Malvar, nominado sa 35th PMPC Star Awards for Movies
Published On: May 18, 2019, 11:22 AM
Updated On: May 18, 2019, 11:39 AM
Inilabas na ng Philippine Movie Press Club ang mga opsiyal na nominado sa 35th PMPC Star Awards for Movies, na gaganapin sa Newport Performing Arts Theater sa Resorts World Manila sa June 2, 2019.
Kabilang diyan ang homegrown Kapuso talents na sina Max Collins at Therese na nominado sa katergoryang Movie Supporting Actress of the Year.
Kinilala ang natatanging pagganap ni Max para sa noir crime drama film na Citizen Jake na idinerehe ni Mike De Leon, gayundin ang pagganap ni Therese para sa family drama film na Distance na idinerehe naman ni Perci Intalan.