Glaiza De Castro, Alden Richards lead Kapuso nominees at the 35th PMPC Star Awards for Movies

Pinangunahan nina Kapuso actress Glaiza De Castro at Pambansang Bae Alden Richards ang mga Kapuso na nominado sa ika-35 PMPC Star Awards for Movie.

Nominado si Glaiza bilang Movie Actress of the Year para sa kanyang Cinemalaya 2018 entry na Liway samantalang nominado naman sa Movie Actor of the Year award ang Kapuso comedian na si Paolo Contis para sa kanyang pelikulang Through Night and Day.

Parehong nominado sina Max Collins at Therese Malvar sa Movie Supporting Actress of the Year Award para sa kani-kanilang pelikulang Citizen Jake at Distance.

Max Collins at Therese Malvar, nominado sa 35th PMPC Star Awards for Movies

May pagkakataon naman si Sanya Lopez na makuha ang New Movie Actress of the Year award para sa pelikulang Wild and Free.

Nominado naman ang tambalan nina Barbie Forteza at Derrick Monasterio para sa kanilang pagganap sa Almost A Love Story sa Movie Love Team of the Year Award.

Nominado rin si Alden Richards bilang Darling of the Press ng PMPC.

Gaganapin ang awards night sa Newport Performing Arts Theater sa Resorts World Manila sa June 2, 2019.