Jun Lana teases new film 'The Panti Sisters'

"Fun ride"

Ganyan ilarawan ng award-winning director/screenwriter na si Jun Lana ang kanyang bagong ginagawang pelikulang The Panti Sisters, na katatampukan nina Martin Del Rosario, Christian Bables at Paolo Ballesteros.

LOOK: Martin Del Rosario, Christian Bables, and Paolo Ballesteros tampok sa 'The Panti sisters'

Kabilang ito sa walong official entries sa ika-3 edisyon ng Pista ng Pelikulang Pilipino (PPP) na gaganapin sa September 13-19, 2019.

Inaabangan ang pagsasama-sama ng tatlong aktor sa isang pelikula dahil maaalalang pumatok sa takilya ang mga pelikulang Die Beautiful at Born Beautiful kung saan sila bumida.

Sa Instagram, ipinakita ni Direk Jun ang isang snippet na kuha sa kanilang shoot, kung saan naka-bihis babae sina Martin, Christian at Paolo.

Makakasama ng tatlo sa The Panti Sisters sina Rosanna Roces, Carmi Martin at Roxanne Barcelo.