Around GMA

Article Inside Page

Umaagos ang pagasa sa isang sapa sa Tarangnan, Samar. Pinaniniwalaan kasing dito matatagpuan ang isang malaking bato na may mga nakaukit na magtuturo sa isang lugar na may nakatagong yaman.

Kapuso Mo Jessica Soho

Ang bayan kasi ng Tarangnan, wala pa raw isang oras ang layo mula sa isang lugar na pinaniniwalaang binabahayan ng mga engkanto. Ang lugar ng Biringan, puno raw ng mga engkanto at ginto.

Ang nasabing sapa, malapit din daw sa ruins ng simbahan ni St. Francis of Assisi na ayon naman sa mga kuwentong bayan, gawa sa bato na may halong ginto.

Isang residente ng Tarangnan, Samar na nagngangalang Gardo ang sinundan ang direksyon na itinuturo ng malaking bato sa sapa hanggang sa tumambad daw sa kaniya ang anim na gintong bato. Ngunit binitawan niya lang daw ito agad sa takot na baka mapaglaruan siya ng mga engkanto na 'di umano'y may-ari ng mga ginintuang bato.

Pero ang katangunan ng ilan, totoong ginto nga ba ang mga natagpuan ni Gardo? Ipinasuri ng Kapuso Mo, Jessica Soho ang mga ginto.

Tunay kaya ang mga ginto sa Samar?

Panoorin:

'KMJS': Ang lotto millionaire ng Tondo, kilalanin!

Ano ang mga peligrong dulot ng pagkalulong sa mobile games?