Tuloy na tuloy na ang GMA Afternoon Prime remake ng pelikulang 'Sinungaling Mong Puso' na pinagbidahan noon ni Vilma Santos. Silipin kung sino-sino pa sa mga Kapuso stars ang magbibigay buhay sa adaptasyong ito.
Si Rhian Ramos ang gaganap bilang si Clara, role na unang ginampanan ni Star for All Seasons Vilma Santos.
Dapat abangan si Rafael Rosell bilang si Roman, role na ginampanan ng kanyang Because of You co-star na si Gabby Concepcion.
Ang karakter ni Jason na ginampanan ni Aga Muhlach ay napunta naman kay Kiko Estrada.
Mas mature na Jazz Ocampo ang makikita sa pagganap niya bilang si Hannah, role na base sa karakter ni Aiko Melendez sa pelikula.
Makakasama nila si Glydel Mercado na gaganap bilang Raquel, ina ni Roman.
Si Cheska Diaz, ang gaganap bilang Helen, ina ni Jason—na gaganapan naman ni Kiko, kanyang anak sa tunay na buhay.
Very sexy ang role ni Stephanie Sol na si Camilla, kabit ni Roman.
Si Gab de Leon ay si Vin, pinsan at kababata ni Roman.
Si JC Tiuseco naman ang gaganap na si Jolo, isa pa sa mga kaibigan ni Roman.
Kabilang din sa cast si A1 Ko Sa'yo star Gee Canlas, na gaganap bilang kaibigan ni Clara na si Jillian.
Si Ricky Davao ang magsisilbing direktor ng GMA Afternoon Prime adaptation ng 'Sinungaling Mong Puso.'
Kasama din sa cast sina Michael de Mesa at Sherilyn Reyes.
"As actors and as lovers of our craft, it's really an honor for us to receive a project like this," pahayag ng lead actress na si Rhian.
Abangan ang 'Sinungaling Mong Puso' sa GMA Afternoon Prime.