Rocco Nacino, nangakong pagbubutihan ang pagganap sa 'Descendants of the Sun'

Sa wakas, ini-reveal na ang ilang mga aktor na magiging bahagi ng Philippine adaptation ng hit Korean series na Descendants of the Sun.

Kabilang dito si Kapuso actor Rocco Nacino na gaganap bilang Sgt. Seo Dae Young o Wolf. Sa remake, Sgt. Diego Ramos ang magiging pangalan ng kanyang karakter.

Ibinahagi rin ni Rocco ang ilang litrato mula sa kanyang training. Nangako din siya na pagbubutihan ang pagganap sa role na ipinagkatiwala sa kanya ng GMA.

"So now everyone knows. I'm excited and honored to be part of this huge project of @gmanetwork . Dati'y lagi ako nagtataka kung bakit ako tinatag ng mga tao pagkatapos ng Encantadia. Dahil pala kamukha ko si Jin Goo. At ngayon, magagampanan ko na mismo sya. Thank you GMA sa pagkakataon na ito! Hello twin brother @actor_jingoo , I will do my best to give justice to Wolf/ Sgt Seo Dae Young/ Sgt Diego and to portray it as well as you did. Salute! #DescendantsofTheSun," sulat niya sa kanyang Instagram account.

Bukod kay Rocco, bahagi rin ng Descendants of the Sun sina Dingdong Dantes at Jasmine Curtis-Smith.

Magiging katuwang pa nila ang Armed Forces of the Philippines para sa serye.