WATCH: Alden Richards, napa-#FlashbackFriday sa 'Unang Hirit'

Isang #FlashbackFriday ang sumalubong kay Kapuso actor Alden Richards sa pagbisita niya sa Unang Hirit, kasama si Kathryn Bernardo, kaninang umaga, July 12.

Sa panayam ng UH hosts na sina Suzi Abrera at Luane Dy, ibinahagi ni Alden ang kaniyang dedikasyon sa pag-maintain ng kaniyang leaner look.

Aniya, “Na-realize ko talaga na kailangan mong ibigay sa katawan mo 'yung kailangan niya--'yung malinis na pagkain.

“Intense workout and, at the same time, timed eating habit like intermittent fasting pinasok ko.

“'Tapos, one day cheat day. Siyempre, pupunta tayo sa pinakamalapit na fast food na may hamburger at french fries.”

Dahil dito, napag-usapan ng Unang Hirit hosts na bumata ang itsura ni Alden Richards. Ipinakita nila ang first-VTR ng aktor para ikumpara sa hitsura niya ngayon.

“Mga 2010 po ata ito!” ang reaksyon ng aktor nang makita ang video niya.

“Haha! At naka-long back pa. Audition video ko ata 'yan.”

'Unang Hirit' welcomes Alden Richards and Kathryn Bernardo

Panoorin ang nakakatuwang segment sa video na ito:

WATCH: Alden Richards ikinuwento ang kaniyang first impression kay Kathryn Bernardo sa 'Unang Hirit'