READ: Dingdong Dantes, inalala ang reaction nina Marian Rivera at Zia sa kanyang 'Descendants of the Sun' training
Talagang intense ang ginawang unang pagsabak sa training ni Dingdong Dantes kasama ang kanyang Alpha Team para sa Philippine adaptation ng Descendants of the Sun sa GMA Network.
IN PHOTOS: A sneak peek into the Special Forces training of the 'Descendants of the Sun' cast
Kaya naman, hindi rin napigilang mag-react ng kanyang mag-inang sina Marian Rivera at Zia Dantes nang mapanood ang training video niya.
Pag-alala ni Dingdong, “Si Zia parang 'Bakit ka nasa lupa?' Parang 'Bakit ka gumulong-gulong dyan?' 'It's exercise.' 'Oh.'
“'Tapos, mamaya-mamaya nakikita ko ginagaya, gumugulong-gulong din.”
Ipinaliwanag at ikinuwento rin daw ni Dingdong kay Marian ang kanayng naging karanasan.
Wika niya, “Ganun din [reaction ni Marian] pero medyo nagulat din.
“Hindi niya na-imagine na ganun pala siya kabigat.”
Samantala, sa Instagram Story ni Marian Rivera kahapon, July 20, nagbigay ng reaksiyon si Marian sa hitsura ng asawa niya habang sumasailalim sa intense military training.
IN PHOTOS: At the story conference of Descendants of the Sun