Netizens, humanga sa dedikasyon ng cast members ng 'Descendants of the Sun'

"Kailangan naming i-internalize at physically maramdaman, kahit papaano, 'yung pinagdadaanan nila."

Ito ang binigyang diin ni Kapuso Primetime King Dingdong Dantes nang sumailalim sila sa matinding Special Forces Training para higit nilang magampanan ang kani-kanilang roles sa Pinoy adaptation ng Descendants of the Sun.

IN PHOTOS: A sneak peek into the Special Forces training of the 'Descendants of the Sun' cast

Nakasama ni Dingdong sina Rocco Nacino, Paul Salas, Lucho Ayala, Prince Clemente at Jon Lucas sa intense 26-hour training sa Fort Magsaysay, Nueva Ecija.

Sa exclusive video na in-upload ng GMA Network sa Facebook, bumuhos ang positive reactions ng netizens na humanga sa dedikasyon ng cast na nag-immersion kasama ang mga sundalo.

May mahigit sa 300,000 views na ang naturang training video ng casts ng Descendants of the Sun.