Abangan ang high-rating Korean drama na 'Mr. Sunshine' sa GMA!

Mula sa mga lumikha ng Descendants of the Sun at Secret Garden, inihahatid ng GMA Heart of Asia ang top-rating cable drama na babago ng pagtingin mo sa K-dramas--ang Mr. Sunshine.

Lumaki sa hirap si Eugene Choi (Lee Byung-hun) at dahil sa isang pangyayari na ikinasawi ng kanyang mga magulang, tatakasan niya ang Joseon. Makakarating siya sa Amerika kung saan siya'y magiging batikan na Marines Captain.

Matapos ang ilang taon, magbabalik si Eugene sa Korea bilang isang US Marine Corps Officer at makikilala niya ang bibihag sa kaniyang puso na si Go Ae-sin, (Kim Tae-ri) na mula sa mayamang angkan na aristocrat.

Matutuklasan ni Eugene ang isang plano ng mga banyaga na sakupin ang Korea. Dito magsisimula ang kaniyang pagiging instrumento sa rebolusyon para sa kalayaan kasama ang kaniyang pinakamamahal.

Binubuo ang Mr. Sunshine ng powerhouse cast na pinangungunahan nina Kim Tae-ri as Go Ae-sin, Byun Yo-han as Kim Hee-sung, Kim Min jung as Kudo Hina, Yoo Yeon-seok as Goo Dong-mae, at si Lee Byung-hun as Eugene Choi.