Dobleng katuwaan ang mapapanood sa ‘Dear Uge’ dahil maliban sa kuwento nina Mr. & Mrs. Hinala, ay birthday episode din ni Eugene Domingo!
Kakaibang kuwentuwaan ang mapapanood sa ‘Dear Uge.’ Kabilang sa mga makakasama nina Eugene Domingo, Divine Aucina, at Jak Roberto sina Roi Vinzon, Candy Pangilinan, Epy Quizon, Ayra Mariano, Fabio Ide, at Tony Mabesa.
Mr. & Mrs. Hinala ang mag-asawang sina Glenn (Epy) at Lorie (Candy) Sevilla. Malakas kasi magsuspetsa ang dalawa dahil sa mga dating naranasan nila.
Ang pinakabagong paghihinalaang masama ng mag-asawa ay ang kanilang kapitbahay na si Mr. Juan (Roi).
Tama o mali kaya ang hinala nila? Sa pagkakataong ito eeksena ang karakter ni Eugene Domingo.
To the rescue si Leila Dilim (Eugene)!
Mabigyang-linaw kaya niya ang sitwasyon ng mag-asawa at kapitbahay nila?
Dadalaw sina Glenn at Lorie sa tindahan ni Uge. May problema pa rin ba?
Surprise! Nagulat si Uge sa pa-birthday sa kanya ng kanyang ‘Dear Uge’ family.
Talagang busog sa handa at katatawanan sa ‘Dear Uge.’
Tuwang-tuwa si Eugene sa mainit na pagbati at bonggang selebrasyon para sa kanyang kaarawan. Gusto niyo pa ba siya lalong mapasaya? Tutok na ngayong Linggo, July 24, sa ‘Dear Uge’ pagkatapos ng ‘Sunday PinaSaya.’