WATCH: Mel Tiangco at Atom Araullo, kinilala sa Gawad Midya 2019
Published On: September 08, 2019, 02:54 PM
Kinilala sina Kapuso news anchors Mel Tiangco at Atom Araullo sa ginanap na Gawad Midya 2019 ng De La Salle University-Manila.
Ginawaran si GMA News Pillar at multi-awarded broadcast journalist Mel Tiangco bilang Outstanding Media Practitioner for Public Service. Ito ay para sa kanyang kontribusyon sa serbisyong pampubliko sa kanyang mga proyekto sa GMA Kapuso Foundation.
Si Atom Araullo naman ay itinanghal bilang Outstanding Media Personality.
Ang Gawad Midya ay inorganisa ng De La Salle University-Manila Student Media Office at Student Media Council para kilalanin ang mga role model sa larangan ng media.
Congratulations, mga Kapuso!