Kapuso news personalities, pinarangalan sa 9th EdukCircle Awards
Published On: September 14, 2019, 06:00 PM
Updated On: September 15, 2019, 12:14 PM
Binigyan ng parangal ang ilang miyembro ng GMA News and Public Affairs sa ginanap na 9th EdukCircle Awards sa AFP Theater sa Camp Aguinaldo, Quezon City.
Kabilang na sa Hall of Fame si Ms. Jessica Soho bilang Best Magazine Show Host samantalang Best Female News Anchor naman ang iniuwi ni Vicky Morales, na isa sa mga anchor ng 24 Oras.
Tinanghal naman na Best Travel Show Host ang Biyahe ni Drew host na si Drew Arellano samantalang Best Public Affairs Talk Show Host si Winnie Monsod.
Hall of Famer na rin si Connie Sison na kinilala bilang Best Health Show Host.
Pinili ang mga nanalo ng mahigit 200 dekano, department chairs, school officials, at faculty members ng iba't ibang unibersidad sa Pilipinas.
Congratulations, mga Kapuso!