WATCH: Alden Richards, Dennis Trillo, at Ken Chan, nasa Thailand para i-promote ang ilang Kapuso shows

Lumipad patungong Thailand sina Kapuso stars Alden Richards, Dennis Trillo, at Ken Chan kahapon, September 18, para i-promote ang ilang Kapuso shows sa Land of Smiles.

Ipalalabas na kasi roon ang kanilang dating Kapuso series na Destined To Be Yours, My Faithful Husband, Meant To Be, at Destiny Rose sa ilalim ng JKN Global Media, ang global partner ng GMA Worldwide sa Thailand.

Para kay Asia's Multimedia Star Alden Richards, isang malaking oportunidad ang partnership na ito para ipakita ang galing at talento ng mga Pilipino sa paggawa ng serye.

Aniya, “'Yung JKN is one of the largest broadcasting networks sa Bangkok and parang partners na sila with GMA for the longest time.

“Kahit papaano we're starting to go global, 'yun naman din 'yung magandang aspects that's why we take care of partnerships with other TV stations as well.

“So, happy kami na pupunta kami roon.”

Taun-taon ay dumadalo ang ilang Kapuso stars sa trade show ng JKN Global Media na siyang nagpapalabas ng ilang Kapuso series sa Thailand.

“Masuwerte kami na nabigyan kami ng mga ganung shows sa GMA na hindi lang dito napansin sa Pilipinas kung 'di pati na sa ibang bansa.

“Nakakatuwa 'yung ganun dahil hindi mo akalain na mapapanood din ng ibang lahi,” pahayag ni Dennis Trillo

Panoorin ang buong chika ni Nelson Canlas:

Dingdong Dantes, Benjamin Alves, and Mikael Daez travel to Thailand for Star Tour

WATCH: Dingdong Dantes, Mikael Daez, at Benjamin Alves, nagpo-promote ng GMA shows sa Bangkok