Sharon Cuneta on surprise duet with Gabby Concepcion: 'Nagulat lang din kami'

Wala raw talaga sa plano ang duet performance nina Sharon Cuneta at Gabby Concepcion sa Gabay Guro event noong Linggo, September 22.

Sa ginanap na press conference ng Iconic concert, naging mainit na usapan ang muling pagsasama ng dating mag-asawa sa isang concert.

Katulad ng mga libu-libong guro na dumalo sa event, sorpresa rin daw para kina Sharon at Gabby ang performance.

LOOK: Sharon Cuneta and Gabby Concepcion reunite on concert stage

“Actually, nagulat lang din kami kasi we were not supposed to sing together,“ sabi ni Megastar Sharon.

“I didn't even know that he was going to be there. I prepared two songs and then…”

Kasunod nito ay ikinuwento ng singer-actress na halos katatapos lang din nilang magkaayos ng dating asawa.

Aniya, “I don't know if it's too personal, but he asked a friend of mine if he could talk to me.

“Sabi ko, time has passed and, you know, I think that it's okay.

“It was nice. We talked. We're okay. Then, just right and there… Kasi, nandun din sina Pops [Fernandez] and Martin [Nievera], so lokohan-lokohan.”

Sa mga sumunod pang pahayag ni Sharon, inilarawan niya ang pakiramdam nang muli nilang pagsasama on stage ni Gabby.

Aniya, “It was nice lang, it was just right. I did not expect any sweetness naman last night.

“But it was very nice, tamang-tama lang, hindi naman cold.

“At saka kabago-bago lang naming nagbati, mga an hour or so before lang.”

Matatandaan na noong nakaraang taon ay nagkaroon ng hindi pagkakaunawaan ang kampo nina Sharon at Gabby dahil sa diumano'y naudlot na planong magkaroon ng reunion movie.

Gabby Concepcion, itinangging ayaw niyang magkaroon ng reunion movie with Sharon Cuneta

Gayunman, nananatiling pareho ang sagot ni Sharon tungkol sa reunion project nila ni Gabby.

Katulad sa press conference ng Iconic concert, sinabi ni Sharon, “I can't speak for him. I can only speak for myself.

“I think I've spoken too much about it before. Let's just hope.

“If you'll ask, I'm open to it, I'm a professional actor.

“Based on last night's reaction and the request we've been getting on social media, I think it would be nice to work together again.”

Sa palagay ni Sharon, marami pa rin silang fans na gustong makita silang magkasama muli sa isang proyekto dahil sa mga alaalang posibleng ihatid nito.

Aniya, “People grew up with us. I think more than anything, may memories din sila noong panahon namin.

“They were also going through their own growing up years or yung mas older than us, they have their memories with their own first loves.

“May memories kami with our audience na karamihan kasabay na namin lumaki, tumanda.

“Sa songs pa lang, yung walang kamatayang 'Come What May,' yung songs na ganun, mayroon na kaagad nabubuhay na memories sa audience namin.

“I think because parang mahal pa rin nila ang teamup namin.

“And because we're both professional naman… Alam naman nila [fans], e, na sa personal na buhay, hindi na talaga puwede.”

Bagamat bukas sa ideyang makatrabahong muli si Gabby, tila hindi pabor si Sharon na mag-guest ang actor sa Iconic concert.

Katuwiran niya, “Sa palagay ko, parang huwag muna kasi, kagabi pati kami na-surprise.

“Parang kung puro surprise naman, e, di kapag talagang surprise na, wala nang excitement.

“So, parang huwag muna kasi show muna namin ito. Siguro huwag muna.

“Wala namang napag-usapan and I don't think it's the right time.”