Hindi lang local kundi pang-international din ang mga headlines noong nakaraang linggo.
Nag-guest ang Ultimate Star na si Jennylyn Mercado sa show ni Kapuso Primetime Queen Marian Rivera na Yan Ang Morning! Magkasama silang namalengke, nagluto at kumain habang nagku-kuwentuhan.
Pinaabot ni Pambansang Kamao Manny Pacquiao ang kanyang pagbati sa mga Pinoy na sumali sa Olympics 2016 na kasalukuyang ginaganap sa Rio de Janeiro, Brazil.
Naging viral online ang sexy bikini photo ni Miss Universe 2015 Pia Wurtzbach. Ang nasabing larawan ay naglalayon na makuha ang atensyon ng publiko upang alamin ang kanilang HIV status.
Nakasungkit ng silver Olympic medal si Hidilyn Diaz para sa women’s weightlifting division. Taong 1996 pa huling nakakakuha ng medalya ang Pilipinas sa Olympics.
May mga pahiwatig na magbabalik na ang 'King of Makeup Transformation' na si Paolo Ballesteros sa programang ‘Eat Bulaga.’ Muli na kayang makukumpleto ang mga Lola sa 'Kalyeserye?'
Nanganak na ang Italian girlfriend ng basketball star at pinangalanan nila itong Michael James. Congratulations James and Michela!
Magkasamang nanuod sina Superstar Nora Aunor at Kapuso Teen Queen Barbie Forteza ng kanilang Cinemalaya film na ‘Tuos.’
Nagkaharap na sina Kapuso star Sunshine Dizon, ang kanyang asawa na si Timothy Tan at ang alleged mistress nito na si Clarisma Sison.
Isang kilig na birthday message ang ipinost ni Traffic Diva Aicelle Santos para sa kanyang “Mahal” na si GMA News reporter Mark Zambrano.
Naging makabuluhan ang 32nd birthday ni Kapuso Primetime Queen Marian Rivera dahil nakasama niya sa Balesin ang Rivera at Dantes clan, pati na ang kanyang instant celebrity na anak na si Baby Zia.