WATCH: 'The Clash' judges at Golden Cañedo, magko-concert sa US

Maliban sa kanilang sunud-sunod na taping, pinaghahandaan rin ng The Clash judges na sina Aiai Delas Alas, Christian Bautista, at Lani Misalucha ang kanilang upcoming concert na may pamagat na “#All4You: The Clash Concert.”

Hatid ng GMA Pinoy TV, gaganapin ang concert sa Arcadia Performing Arts Center sa Los Angeles, California on October 19.

Makakasama rin ng The Clash panel ang Season 1 Grand Champion na si Golden Cañedo.

Bahagi ni Golden, hinahanda na raw niya ang kanyang sarili lalo na't magkakaroon siya ng duet kasama ang Asia's Nightingale.

“Maiiyak po siguro ako kasi 'pag na-perfect po namin 'yun, ako na po siguro ang magiging pinakamsayang bata sa balat ng mundo.”

Puro papuri naman ang sagot ni Lani sa nasambit ng singer tungkol sa kanya.

Aniya, “I'm really proud of her.

“I hope magpatuloy itong kanyang naumpisahan sa The Clash na ngayon ay kung baga nagfo-flourish na unti-unti ang kanyang career.”

Kung excited sila sa concert, mas excited raw sila sa gaganaping round 2 ng original Pinoy singing competition dahil maglalaban-laban na ang 32 Clashers sa stage.

Ang unang magtatagpo ay ang 17-year-old Davaoeño na si Chan Daniel at ang 30-year-old na si Myrus Apacible ng Cavite

Abangan iyan ngayong Sabado, October 19, pagkatapos ng Pepito Manaloto.

WATCH: Chan Daniel at Myrus Apacible, unang maglalaban sa Round 2 ng 'The Clash'

'The Clash,' itinanghal na Best Talent Search Program ng 2019 PMPC Star Awards for TV