Isa si Cindy Kurleto sa mga artistang nakilala sa showbiz dahil sa talento at ganda.
Noong early 2000s ay nakilala si Cindy bilang isang model, host, at aktres. Sa kanyang maiksing panahon sa showbiz ay nagmarka si Cindy sa industriya dahil sa kanyang iba't ibang papel na ginampanan.
Ang Filipino-Austrian na showbiz personality ay napanood sa ilang commercials, nakita sa ilang billboards, at naging cover girl ng iba't ibang klaseng magazines. Isa sa mga tumatak sa publiko ay nang makilala siya bilang parte ng sexiest woman in the world list ng isang men's magazine. Kinilala rin si Cindy Kurleto dahil sa kanyang pagganap bilang si Cassiopea sa 'Encantadia' noong 2005.
Kasama rin sa mga ginawang proyekto ni Cindy ang comedy show na 'Daddy Di Do Du', kung saan nakatrabaho niya si Vic Sotto. Naging parte rin siya ng noontime show na 'Eat Bulaga' bilang isa sa mga host nito. Parte pa ng kanyang makulay na career sa showbiz ang pagiging VJ sa MTV Philippines.
Ngunit para sa ikabubuti ng kanyang kalusugan at pangarap na bumuo ng sariling pamilya, pinili na rin ni Cindy na umalis ng Pilipinas sa kabila ng kanyang kasikatan noon.
Sa kanyang interview sa 'Just In' noong January 2021, inamin ni Cindy na pinili niyang lisanin ang bansa para pagtuunan ng pansin ang kanyang kalusugan. Ayon sa kanyang kuwento, na-diagnose siya ng PCOS or polycystic ovary syndrome, “I developed a hormonal imbalance that made me ill and that made me gain weight and made me very depressed and tired.”
Naging sanhi umano nito ang pagsasabay-sabay niya ng iba't ibang mga trabaho.
"I was working for MTV, I was working for Encantadia, I was working for 'Eat Bulaga,' I was working for 'Daddy Di Do Du,' and I had little pictorials for billboards scheduled at the same time.”
Pinayuhan si Cindy ng doktor na magpahinga kung nais niyang bumuo ng pamilya. Dahil rito, nilisan ni Cindy ang bansa at iniwan ang kanyang career sa showbiz.
Alamin ang buhay ngayon sa gallery na ito:
Itinuturing na isa sa may pinakamagandang mukha sa Philippine showbiz si model at actress Cindy Kurleto.
Isa rin siyang dating VJ para sa MTV kasama nina Sarah Meier, Marc Abaya, at KC Montero.
Naging cover pa si Cindy ng men's magazine na FHM noong April 2004. Hinirang din siyang "Sexiest Woman in the World" ng magazine sa parehong taon.
Naging 'Eat Bulaga' host din si Cindy! Narito ang throwback niya kasama ang kanyang co-hosts na sina Pia Guanio, Pauleen Luna, at Ciara Sotto.
Napasama din si Cindy sa sitcom na 'Daddy Di Do Du' kung saan naging co-star niya si Bossing Vic Sotto.
Lumabas din siya bilang Cassiopea sa iconic GMA Telefantasya na Encantadia, pati na sa mga sumunod nitong installments na Etheria at Encantadia: Pag-ibig Hanggang Wakas.
Iniwan niya ang showbiz noong 2007 para tumira sa Peru kasama ang kanyang boyfriend na si Daniel.
Nabiyayaan sila ng kanilang unang anak na si Noa noong 2010.
Walong taon din nanirahan si Cindy sa Peru kasama ang kanyang pamilya.
Nabiyayaan naman sila ng kanilang pangalawang anak na si Lima noong 2016.
Dahil sa kalusugan ng kanyang ama, lumipat si Cindy at kanyang pamilya sa Vienna para makasama ito.
Sa kasamaang palad, pumanaw rin ang kanyang ama ng taong iyon.
Nakahanap naman si Cindy ng suporta sa mga kapwa niya Pilipino sa Vienna.
Isang full-time mom na ngayon si Cindy.
Nananatili rin siyang pribado at matipid ang impormasyong ibinabahagi niya tungkol sa kanyang pamilya.
Wala pa ring kupas ang ganda ni Cindy!
Nanatiling matatag ang pagsasama nila ng asawa niyang si Daniel.
Nakahanap din ng bagong matatalik na mga kaibigan si Cindy sa Vienna.
Walang kupas ang ganda ni Cindy!
Maganda pa rin kahit na no makeup look under the sun!
Pansamantalang bumalik si Cindy sa Pilipinas noong 2019 para sa isang endorsement.
Ipinapakita ni Cindy ang kanyang buhay bilang isang asawa at mommy sa kanyang Instagram account.
Hands-on mom si Cindy sa kanyang dalawang anak na babae na sina Noa at Lima.
Nananatiling isa sa pinakamagandang mukha sa showbiz si Cindy.
Nag-post ng sweet na mensahe si Cindy para sa kanyang asawa noong 2020. Ani Cindy, masaya siyang kapiling niya ito habang hinaharap ng mundo ang isang pandemya.
"I'm grateful to have him by my side, especially during such uncertain times."
Masayang-masaya si Cindy sa piling ng kanyang mga anak.
Pag-amin ni Cindy sa 'Just In,' nais niya muling manirahan sa Pilipinas.