Mahuhuli ang inyong panlasa sa Taste of Love

Siguradong mahuhuli na naman ng GMA Heart of Asia ang inyong panlasa sa bago nitong handog na Taste of Love, isa sa highest-rating series sa Turkey.

Makakakuha ng trabaho ang culinary student na si Nikki (Ozge Gurel) bilang private chef ng matagumpay na negosyanteng si Jeric (Can Yaman) na notorious naman sa pagsisisante ng mga tauhang hindi sumusunod sa kanya.

Isang kundisyon sa trabaho ni Nikki na tanging ang pagkaing nasa listahan ni Jeric lamang ang kailangang niyang lutuin. Minsan nang sinubukan ni Nikki na ibahin ang menu, pero dahil nakuha niya ang panlasa ni Jeric, hindi siya matatanggal sa trabaho.

Bukod dito, sa kusina lang pwedeng mamalagi si Nikki mula 12 pm hanggang 5 pm. Kailangan din niyang umalis bago dumating si Jeric kaya 'di sila nagkikita.

Ano kaya ang magiging reaksiyon ni Jeric kapag malaman niyang isang magandang dalaga at hindi isang matandang babae ang kanyang private chef?

Abangan ang kakaibang flavor ng kwento nina Jeric at Nikki sa Taste of Love, simula November 18, Lunes hanggang Biyernes bago ang Eat Bulaga sa nangungunang GMA Heart of Asia.