Did you miss Grace's “Dream Date” with sexy Chef Yuan? Worry not, we'll fill you in with these photos.
Proud si Ninang Mercy Grace sa kanyang mga inaanak na sina Grace at Lily Manalo sa pagpapatakbo ng kanilang ipinamanang dessert shop.
Iba't ibang desserts ang ipinatikim ng magkapatid sa kanilang mga bisitang bloggers upang ma-promote ang recipes ng kanilang yumaong ina.
“Ito po ang best seller ng Snap Sweets. Original recipe po 'yan ng Mommy ko. Instead of using cocoa powder, ang gamit niya [ay] tablea chocolate para mas chocolatey.”
“Inspired by my idol, Chef Yuan. Carrot cupcake po 'yan topped with buttermilk glaze.”
Abala naman si Yuan sa paggawa ng kanyang online cooking videos dahil ito ang gusto ng kanyang Daddy Fabian para ma-promote ang kanilang restaurant business. Naitatawid ito ng binata sa tulong ng kanyang pinsang si Diego na ang sabi pa ay, “Good cooking makes you good looking.” Nagsagawa pa sila ng “Win-a-Date” promo.
Sa dami-rami nang nag-submit ng online video entry, si Grace Anne Manalo ang napiling lucky girl para sa “I Know Yuan Me” challenge at ito ay kanyang ikinatuwa.
Natuloy rin ang kanyang pinakaaasam-asam na romantic dinner date. Ipinagluto at sinubuan pa siya ng kanyang crush.
Kilig na kilig ang dalaga sa kanyang dream date, “Ang tagal kong hinintay ang moment na 'to.” ngunit panaginip lang pala iyon lahat.
Sa araw ng kanyang pinakahihintay na dinner date kay Chef Yuan, si Diego ang sumalubong sa kanya.
Napanganga ang dalaga nang makita niya ang kanyang crush nang harap-harapan. Isang photo opportunity ang kanyang sinamantala kasama si Chef Yuan.
Napakamot ng ulo si Grace dahil hindi siya ipinagluto ni Chef Yuan at napadali ang kanilang dinner date. Hindi man lang sila nakapag-usap tungkol sa mga dessert recipes na nais itanong ng dalaga.
Disappointed si Grace dahil ang inaakala niyang “Dream Date” ay nauwi sa isang hindi inaasahang pagkakataon. Saad niya kay Diego, “Picture taking lang naman pala ang mangyayari dito. Pumunta ako dito para makipag-date kay Yuan, hindi para tumanggap ng isang pack ng ketchup galing sa Bananalicous na 'yan!”