Gusto ni Jean Garcia ng kapatawaran

These days, mas kinikilala na si Jean Garcia bilang kontrabida. Pero para sa aktres, it doesn't matter kung bida o kontrabida ang role, as long as maipapakita nito ang kakayahan niyang umarte. Text by Jason John S. Lim. Photos by Mitch S. Mauricio. Matatapos na ang All About Eve and may bagong project nang naka-line up para kay Jean Garcia. And though wala pang alam si Jean tungkol sa kanyang role, may mga nagsasabing isa na naman daw itong kontrabida role. "Ako naman, basta trabaho tsaka maganda 'yung character, 'di ba?" Jean answers us nang tanungin namin kung ayos lang ba sa kanya na kontrabida ulit ang role na ibinibigay sa kanya. Depensa niya, "Usually naman, kahit kontrabida ako, kapag ume-end naman [ang show], mayroon namang kapatawaran pa rin. Meron pa ring pagsisisi." At importante 'yan kay Jean, dahil it makes her characters more grounded—and it gives the sense na lahat ay bumabalik sa gumagawa. Tulad na lang ng role niya for All About Eve. "Maganda 'yung ending kasi lahat nagbago," Jean tells us. "Lahat nakapaghingi ng kapatawaran, lahat may forgiveness. 'Yun naman palagi ang gusto nating iparating sa audience—na kahit na nagkakaroon ng conflict, nagkakaroon ng mga away, in the end, kahit papaano, happy ending." She says this is more important now than ever before: "Sa sitwasyon natin na medyo magulo at medyo lungkut-lungkutan at madaming mga problema, maganda naman 'yung binibigay nating mensahe. 'Di ba?" All About Eve is a look into the world of entertainment, with most of the characters working for the fictional MBS Network. Pero, Jean reveals, kung ano ang nakikita ng mga viewers sa TV ay ibang-iba sa actual na nangyayari sa set. "Nakakatawa kasi minsan nasa set na, nagre-rehearsal na, nagtatawanan kami—pero [ang] eksena namin, iyakan," Jean shares. Laging light ang set ng All About Eve. "Mayroong times na serious 'yung balitaktakan, 'yung drama, tapos may matatawa. Tapos hindi na titigil! Nakakatuwa!" Pero once the director shouts 'Action!' Jean says everyone returns to being the professionals that they are: "Nawawala na agad 'yung tawanan. Nakakaloka!" Kaya naman, with the show ending, Jean says nabitin siya: "One season lang naman talaga kami. Kasi 'yun 'yung contract naman namin talaga. Pero, kumbaga, nag-uumpisa pa lang kami. Well-bonded na kami, pero ngayon pa lang namin ine-enjoy 'yung isa't-isa. Tapos, tapos na kami?" Jean adds na alam naman niyang magkakatrabaho at magkakatrabaho pa rin sila, pero for sure, something to treasure na ang memories of the All About Eve set. "Sobrang saya na, alam mo 'yun, kahit tengga kami, tapos naghihintay lang kami sa standby area namin, wala kaming ginawa kung hindi magkulitan. Lahat kami sobrang barkada." At nasaksihan rin namin sa set ang kulitan ng grupo! Bukod sa palakasan ng kanta para magising, may ipinakita pang reenactment sina Jean at Sunshine Dizon sa amin ng isang blooper na ipinalabas sa Showbiz Central. Ito 'yung eksena kung saan napatawa si Jean at Sunshine dahil sa ginawa ng make-up artist ng character ni Iza Calzado sa show within the show. Kuwento ni Jean, "So the following taping, ang sagot ko sa kanya—'Arman. Are you the next big star?' Tuwang-tuwa ang loka-loka." Ipinakilala pa nga sa amin si Arman, na make-up artist din ng All About Eve mismo! Don't miss the last episodes of All About Eve sa GMA Telebabad! And find out kung maki-clear pa ba ni Katrina, Jean's character, ang pangalan niya sa kaso niyang pagpatay sa unang asawa ni Frederico (Richard Gomez). "You'll never know," Jean teases. And find out from Jean kung ano ang next project niya through Fanatxt! Just text JEAN to 4627 for all telcos. Each Fanatxt message costs PhP2.50 for Globe, Smart, and Talk N Text, and PhP2.00 for Sun subscribers. (This service is exclusive for the Philippines only.)