WATCH: Jennylyn Mercado at Dennis Trillo, ipinasilip ang kanilang personal recording studio

Eksklusibong ipinasilip nina Kapuso star Jennylyn Mercado at Dennis Trillo ang kanilang recording studio kung saan ginagawa ang mga patok at viral nilang YouTube vlog collaborations.

Level up na sa paggawa ng music video sina Dennis at Jennylyn dahil kumpleto sa gamit at very cozy ang personal recording studio nila.

Samantala, sa unang pagkakataon ay magkakaroon ang celebrity couple ng musical team up sa pamamagitan ng kanilang CO LOVE LIVE concert sa New Frontier Theater, ngayong February 15.

Magpe-perform din sa concert ang ilang Kapuso stars gaya nina Asia's Multimedia Star Alden Richards, Janno Gibbs, at Nar Cabico.

Pahayag ni Dennis, marami umano ang makaka-relate sa magiging performance nila dahil personal nilang pinili ang mga kantang aawitin sa concert.

“Kasi hindi lang siya basta concert, dito rin maiintindihan nila 'yung relationship namin, kung ano 'yung nangyayari sa love story namin,” sabi ni Dennis.

“Lahat ng klase ng in love. Inlove ka sa asawa mo, sa boyfriend or sa girlfriend mo, sa family mo, sa sarili mo, kaibigan mo,” lahad naman ni Jennylyn.

Silipin ang kanilang cute at personalized recording studio rito:

Jennylyn Mercado at Dennis Trillo, may pasilip sa kanilang CoLove concert

Jennylyn Mercado welcomes 2020 with a photo with son Alex Jazz