Direk Joel, nahirapan pero kinaya ang 'Adik sa 'Yo'

Text by Loretta G. Ramirez. Photos by Mitch S. Mauricio. Inamin ng batikang director na si Direk Joel Lamangan na nahirapan siya sa umpisa sa paggawa ng Adik Sa 'Yo. "Mahirap gawin pero nabuo naman," ang paliwanag ni Direk Joel sa iGMA, "may chemistry naman silang apat para sa isang comedy. Mahusay din naman 'yung pagkakabuo ng creative team. Totoong mahirap itong gawin kaysa sa drama kasi comedy ito. Ang comedy usually maiksi lang; ito mahaba." Idinagdag pa niya na kahit alam niyang mahirap i-sustain ang comedy sa television, hindi siya nagdalawang isip na tanggapin ito. "Na-challenge ako. Instead of saying no, I said 'Bakit hindi?' Na-challenge ako dahil hindi pa ako nakakagawa ng ganito kahabang comedy. Marami akong nagawang comedy sa pelikula, one hour and a half lang pero ito 16 weeks na comedy." At dahil nga 16 to 18 weeks ang maaring itakbo ng istoryang ito sa telebisyon, pinag-aaralan nilang mabuti kung paano isu-sustain ang comedic part ng istorya: "'Yun nga 'yung pinag-aralan namin--how we can sustain it na maging mas masaya. Well, ang general treatment is light pero 'yung comedic touches pinaplano naman 'yun sa script. So far, so good, dahil mahuhusay ang mga artista." Ang Adik Sa 'Yo ay pinagbibidahan nina Dennis Trillo, Jennica Garcia, Marvin Agustin at Jolina Magdangal. Kasama rin ang mga batikang artista sa komedya na sina, Elizabeth Oropesa, Joey Marquez, Chanda Romero, John Lapus, Ces Quesada, Luz Valdez, German Moreno, Benjie Paras, at Eugene Domingo. "We are trying our best to make it funnier and funnier. May mahabang mga brainstorming. Mas mahirap siya dahil mas madaling magpaiyak kaysa magpatawa, pero maayos naman, nagagawa naman. Nakakaya naman," ang nakangiting pagtatapos ng multi-awarded director. Adik ka na ba? Pag-usapan ang kakaibang romantic-comedy na ito sa iGMA Forum. Maari rin kaying humingi ng updates about Adik Sa 'Yo mula kay Dennis, Jennica, Marvin at Jolina through their Fanatxt service! Just text either DENNIS, JENNICA, MARVIN, or JOLINA and send to 4627. Each Fanatxt message costs P2.50 for GLOBE, SMART and TALK N TEXT, while it costs P2.00 for SUN subscribers. (This service is available only in the Philippines.)