Alamin ang kuwento ni Franz, ang babaeng nag-viral sa social media habang natutulog nang naka nganga sa bus ngayong Sabado, May 30, sa '#MPK.'
Tampok sa episode ngayong Sabado sina Divine Aucina bilang Franz at Joshua Dionisio bilang Phrain.
Aktibo si Franz sa school activities. Sa pagsasayaw niya nakilala ni Phrain, ang lalaking nagbigay sa kanya ng sobrang atensyon at pagmamahal.
Isang kaibigan ni Franz ang nagpakita sa kanya ng litrato niyang kumakalat sa social media.
Nandoon palagi si Phrain para i-comfort si Franz. Nag-post din ito para ipagtanggol siya at patamaan ang lalaking nag-post ng pambu-bully sa kanya.
Dahil sa nangyaring cyberbullying sa kanya, muling nakaramdam ng awa sa sarili ni Franz.
Tunghayan kung paano nalampasan ni Franz ang pagsubok na ito sa "Trending: Ang Babae sa Bus" ngayong Sabado, May 30, 8:50 pm sa '#MPK.'