LOOK: Klea Pineda, napa-throwback sa kanyang 'StarStruck' Final Judgment Day
Isang major throwback ang ipinakita ni Kapuso actress Klea Pineda sa kanyang Instagram kagabi, January 28.
Sa kanyang social media page, nag-post ang Magkaagaw actress ng video clip ng kanyang final performance sa hit reality show na StarStruck.
Ani Klea,” 5 years ago and I still remember this day… #StarStruck6FinalJudgement”
Maalalang nag-wagi bilang Ultimate Female Survivor si Klea habang si Kapuso actor Migo Adecer naman ang hinirang na Ultimate Male Survivor.
Napakomento naman ang kanyang Magkaagaw co-stars na sina Patricia Tumulak at Sunshine Dizon.
Saad ng dalawa, napakapayat daw ni Klea noon kumpara ngayon kaya naman biro ng kanyang nanay-nanayan sa show, “diet na anak.”
Sagot ng young actress, “@m_sunshinedizon wahahaha ate shine naman inannounce pa na magdiet na ako huhu.”
Mother-daughter relationship on and off-screen
'Di naman nagkakalayo ang relasyon nina Klea at Sunshine sa kanilang on-screen characters sa GMA Afternoon Prime show.
Kwento ni Klea, napakalaki ng kanyang respeto sa batikang aktres kaya naman napakalaki ng pasasalamat nito tuwing nakakaeksena si Sunshine.
“Isa ka [Sunshine] sa mga iniidolo ko dito sa industry! Salamat dahil naniniwala po kayo na kaya ko 'to at 'di niyo po ako pinapapabayaan sa mga eksena natin.”
Puro papuri rin naman si Sunshine sa kanyang anak-anakan sa Magkaagaw.
Saad nito sa GMANetwork.com noon, “ She's very kind, sweet, and always willing to listen.
“Listening kasi is very important for an actor because we learn a lot from listening.”
Patuloy na subaybayan ang napakatinding agawan tuwing hapon, ang Magkaagaw, mula Lunes hanggang Biyernes pagkatapos ng Eat Bulaga.
LOOK: Klea Pineda malaki ang pasasalamat kay Sunshine Dizon sa 'Magkaagaw'
EXCLUSIVE: Klea Pineda, kinabahan nang unang makilala sina Sheryl Cruz at Sunshine Dizon