Full episodes ng mga paborito n'yong Kapuso teleserye, mapapanood na sa GMANetwork.com at GMA Network app simula February 1!

Kasabay ng pagdiriwang ng ika-70 anibersaryo ng GMA at Kapuso Month ngayong February, handog ng Kapuso network ang mas pinadali at pinahusay na pagsubaybay sa kapana-panabik na mga eksena sa inyong mga paboritong Kapuso teleserye ano mang oras.

Simula February 1, maaari nang mapanood ang GMA drama shows sa GMANetwork.com at GMA Network app.

Puwede nang mapanood online ang full episodes ng Kapuso shows tulad ng Prima Donnas, Magkaagaw, Madrasta at Anak ni Waray Vs. Anak ni Biday kinabukasan matapos itong ipalabas sa telebisyon (Philippines only). Updated ka na all the time!

Bisitahin lamang ang www.GMANetwork.com at i-download ang GMA Network app para sa mas pinadali at pinahusay na panonood ng GMA full episodes.

Enjoy watching online, mga Kapuso!