Rita Daniela, di makapaniwala sa natanggap na papuri mula kay Vilma Santos

Flattered at hindi makapaniwala si Rita Daniela nang siya ang bigyang papuri ng kanyang iniidolong si Vilma Santos.

Nagtagpo sina Rita at Vilma live broadcast ng Wowowin nitong Lunes, January 27.

Aminadong starstruck daw ang Kapuso actress sa tinaguriang Star for All Seasons.

IN PHOTOS: Wowowin, nagbigay-tulong sa Taal victims

Sulat niya sa kanyang Instagram post, “Iyong pakiramdam na huminto panandalian iyong mundo mo noong unang beses mo siyang nakilala.. 'tapos kilala ka pala niya. hanggang ngayon hindi pa rin ako makapaniwala sa pagkakataong binigkas niya ang mga salitang 'i'm a fan', 'you're so good!', 'ang galing mong kumanta', 'ang galing ninyo! pinapanood ko kayo!' at 'bagay kayong dalawa!' pinapanood lang kita dati.. bilib na bilib po ako sa inyo, hindi ko akalain na ako naman ang mapapanood mo.”

Winner daw ang pakiramdam ni Rita dahil sa mga natanggap na papuri mula kay Vilma.

“Wala na.. may nanalo na. God is great,” dugtong niya.