Ang mga hinangaan nating young stars noong 90s at early 2000s ay mga mommy at daddy na ngayon. Kilalanin ang sampu sa kanila sa gallery na ito.
Nagsimula sa murang edad sa showbiz si Camille Prats. Nakilala siya sa pagganap bilang Princess Sarah sa pelikulang 'Sarah...Ang Munting Prinsesa.' Nang siya ay magdalaga, naging bahagi siya ng youth-oriented show na G-Mik.
Proud mommy na ngayon si Camille, at very close sa kanyang 8-year-old son na si Nathan. Sa January 2017 ang kasal nila ng boyfriend na si VJ Yambao.
Tulad ng kanyang kapatid na si Camille, bata pa lamang ay nasa mundo na ng showbiz si John. Magkasama sila sa G-Mik ni Camille, kung saan naging ka-love team niya si Heart Evangelista.
Hunyo nitong taon nang binyagan ang anak nina John at Isabel Oli na si Lilly Feather.
Isa si James Blanco sa first batch ng cast members ng Kapuso teen show na Click.
Pamilyado na si James ngayon. May tatlo silang anak ng asawa niyang si Tania na sina Inigo, Baste, and Atalie.
Produkto din ng Click si Chynna Ortaleza. Naging ka-loveteam niya dito si Richard Gutierrez.
Bukod sa pagiging magaling na kontrabida, mommy na rin ngayon si Chynna kay Baby Stellar, na anak niya sa asawang si Kean Cipriano.
Isa si Richard Gutierrez sa mga nagpakilig sa teenage girls noon sa programang Click.
Nagkaroon ng anak sina Richard sa girlfriend niyang si Sarah Lahbati. Ito ay ang cute na cute na si Zion.
Sa set ng Click nagkakilala at nagkamabutihan sina Iya Villania at Drew Arellano.
Nitong Agosto ay isinilang ni Iya ang panganay nila ni Drew na si Antonio Primo.
Kasabay nina Iya at Drew sa Click si Valerie Concepcion, na ang partner noon ay si JC de Vera.
Maaga mang nabuntis, maayos namang napalaki ni Valerie ang kanyang unica hija na si Fiona.
Isa pa sa batchmates nina Iya at Valerie si Denise Laurel.
Alejandro ang pangalan ng anak ni Denise, na five years old na ngayon.
Teenager din si Jodi Sta. Maria nang magsimula sa showbiz.
Mommy na siya ngayon kay Thirdy, na anak niya kay Pampi Lacson.
Mula pagkabata, marami na ang humanga sa pag-arte ni Patrick Garcia, hanggang sa siya ay magbinata.
Tatlo na ang anak ni Patrick ngayon, sina Alex Jazz kay Jennylyn Mercado, at sina Chelsea at Patrice sa asawang si Nikka Martinez.
Nakilala si Chesca Garcia noon bilang isa sa mga pinakamagandang teen stars noong late '90s. Kasabayan niya noon sila Jolina Magdangal, Patrick Garcia, Kristine Hermosa, at marami pang iba.
Ngayon ay kasal na ang aktres sa basketball player na si Doug Kramer at mayroon na silang tatlong anak, sina Kendra, Scarlett, at Gavin na pawang mga young social media superstar.
Si John Lloyd na marahil ang isa sa mga pinakamatagumpay na aktor ng kaniyang henerasyon. Nagsimula siya bilang isang teen star sa ilang youth-oriented shows hanggang sa makitaan siya ng potensyal na maging bida at leading man sa telebisyon at pelikula. Una siyang ipinareha kay Kaye Abad na naging nobya niya sa tunay na buhay ngunit ang love team niya kay Kapuso actress Bea Alonzo ang tunay na nagbigay sa kaniya ng mga di malilimutang pagganap sa TV at movies.
Matapos ang mahabang pagbibinata, nagbago ang buhay ni John Lloyd nang magkaanak ito, ang cute na cute na si Elias Modesto, sa ex-partner na si Ellen Adarna.
Isa si Baron Geisler sa mga pinakamagagaling na aktor ng kaniyang henerasyon. Pinatunayan niya ang kakayanan sa pagganap ng mga hindi makakalimutang karakter. Kasabayan niya si John Lloyd nang magumpisa sa showbiz. Ngunit ang karera nito ay higit na naapektuhan nang masangkot ito sa iba't-ibang gulo dahil sa problema sa pag-inom.
Ngayon ay lumagay na rin si Baron sa tahimik kasama ang asawa na si Jamie Evangelista at anak na si Talitha.