Palaban na ngayon si Sheena Halili

Kung dati ay best friend ng kaaway si Sheena Halili, ngayon ay magpapakabalimbing na ang dalaga at kakabit sa bida—kilalanin si Becky, ang best friend ni Rosalinda! Text by Jason John S. Lim. Photo by Mitch S. Mauricio. Kung matatandaan, Sheena Halili has played Monica, ang kikay sidekick ni Katrina Halili sa MariMar; naki-agaw din siya sa puso ni Mark Anthony Fernandez sa Ako si Kim Samsoon, before becoming the best friend of Angelika dela Cruz sa LaLola. Ngayon, though best friend role pa rin ang hawak niya, Sheena can still say that she has improved her standing. "Doon sa una kong Thalia [soap] na ginawa, MariMar, best friend ako ng kontrabida—dito naman [sa Rosalinda], best friend ako ng bida," Sheena tells us, joking, "so medyo naging balimbing ako." And Sheena doesn't discount the need for best friends, saying these are very important sa mga soap—lalo na sa Rosalinda! "Usually, ang mga bida kasi hindi talaga lumalaban," explain sa amin ni Sheena. "So dito, ako 'yung nakikipaglaban para kay Rosalinda. Ako 'yung bibig niya." For example, may linya raw si Sheena na binitawan para sa kanyang on-screen best friend na: "'Pag inaapakan ka, dapat matuto kang umaray. Pero ako, 'pag ako inapakan? Hindi lang ako aaray—mananapak pa ako.' "'Yun ako dito," Sheena shares. Tinanong namin si Sheena how it feels na nasa isang Thalia soap na naman siya, matapos ng kanyang breakout role sa MariMar. Ang sagot niya? "Diyos ko, sana hindi [ito] 'yung last ko, 'di ba? First ko kasi si Thalia, tapos last ko Thalia. Diyos ko, 'wag naman sana, 'di ba? GMA! Hello, 'wag po!" Happy to be tired Bilang best friend ni Rosalinda, maraming eksena si Sheena na kinabibilangan. Pero, bukod sa Rosalinda, marami ring ibang projects na pinagkakaabalahan si Sheena. Bukod sa katatapos lang niya ng mga roles sa Zorro at Dear Friend, regular din siyang napapanood sa Pinoy Records—at soon sa big screen as part of the Spoiled Brat movie! "Ay naku," sambit sa amin ng dalaga, nang kamustahin namin ang kanyang very busy schedule. "Masaya siyempre, 'no? Ang dami-daming artista na naghihintay ng break, eh eto naman, binibigyan ako ng sunud-sunod na work ng GMA at saka ng GMA Artist Center." Dagdag pa ni Sheena, "Siyempre, sobrang thankful ako—lalo na kay God. Kasi nga, ang tagal-tagal ko nang hinihintay ito, 'no?! Tapos ngayon, nararamdaman ko na 'yung puyat, walang tulog—nakikiligo!" Kuwento niya sa amin, the night before ng Rosalinda pictorial, nakitulog na raw siya sa kanyang then Zorro co-star na si Rhian Ramos! "Kasi 'yung shooting ko [for Spoiled Brat movie] sa Alabang—eh taga doon siya. Eh call time ko [sa pictorial ay] 7 a.m.. So wala na talagang time para umuwi pa ng Pampanga, tapos babalik ako ulit. "Magwe-waste lang ko ng time at ng pagod, 'di ba?" Kaya naman it's important to make good friends, real friends, sa business na ito! Sinu-sino pa nga ba ang magtutulungan, hindi ba? Catch Sheena Halili every weeknight sa GMA Telebabad through Rosalinda, and every Saturday naman sa Pinoy Records. And don't forget, puwede niyo pa rin maging ka-text si Sheena through Fanatxt! Just text SHEENA and send to 4627 for all telcos. Each Fanatxt message costs PhP2.50 for Globe, Smart, and Talk 'N Text, and PhP2.00 for Sun subscribers. (This service is exclusive for the Philippines only.)