WATCH: Unang silip sa programang 'Ilaban Natin 'Yan'

Isang linggo bago ang simula ng Ilaban Natin 'Yan, ipinasilip na ang mga kaabang-abang na tagpo sa mga unang episodes nito.

Unang-unang ibinida ang modern jeep na dadayo sa mga barangay. Tatawagin itong Palaban Express. Dito, dudulog ang mga mayroong problema o reklamo na nais ibahagi sa Ate ng Bayan na si Vicky Morales.

Mayroon ding mga celebrity guest Kalkalera na kukuha sa panig ng mga inirereklamo. Ang dalawang unang magiging guest Kalkalera ay sina Gladys Reyes at Cai Cortez.

Ipinasilip na rin ang ilan sa mga magbabahagi ng kanilang suliranin, at isa na rito ang resident paranormal investigator ng Kapuso Mo, Jessica Soho na si Ed Caluag. Siya ay dudulog sa programa para ireklamo ang online bullies.

Excited ka na ba para sa naiibang programa na ito? Panoorin dito ang mga dapat mong abangan sa Ilaban Natin 'Yan, magsisimula na ngayong Pebrero 22 sa GMA-7: