Sarah Geronimo at Matteo Guidicelli, nag-shopping para sa kanilang new house
Lilipat na sa kanilang new house ang bagong kasal na sina Sarah Geronimo at Matteo Guidicelli.
Matteo Guidicelli involved in altercation during civil wedding with Sarah Geronimo
Para paghandaan ito, namili na sila ng mga plato at iba pang gamit para sa kanilang bahay.
Kasama pa nila si celebrity doctor at beauty expert Dr. Vicki Belo at anak nitong si Scarlet Snow.
Ibinahagi ni Dr. Vicki ang maikling video nina Sarah at Matteo habang nasa isang shopping center.
"Tita Sarah is moving to her new house so they're buying plates and utensils, cups," paliwanag ni Dr. Vicki kay Scarlet sa video.
Masaya daw si Dr. Vicki sa pagsisimula ng married life ng dalawa.
"So happy to see Mr. and Mrs. Guidicelli @matteog @justsarahgph doing normal husband and wife duties," sulat niya sa kanyang Instagram account.
Laking pasasalamat din daw niya pasensiyoso si Matteo.
"@scarletsnowbelo is trying to help them pick out glassware in Rustans but I don't think she's helping that much. Matteo though is so sweet and patient with her," pagpapatuloy niya.
Ibinahagi din ni Dr. Vicki ang tanging hiling ni Matteo para sa asawang si Sarah.
"He told me his only wish for Sarah is to be the happiest woman in the world ♥️ #AshMatt," patatapos niya.
Ikinasal sina Sarah at Matteo sa isang pribadong seremonya sa isang hotel sa Taguig noong February 20, 2020.
Nabalot ito ng kontrobersiya nang dumating diumano ang ina ni Sarah na si Mommy Divine. Matagal nang tutol sa relasyon ng dalawa si Mommy Divine.
Dahil dito, nasuntok daw ni Matteo ang isang bodyguard na empleyado ng pamilya ni Sarah. Pinabulaanan naman ni Matteo ang insidenteng ito.