Julie Anne San Jose, nilinaw na walang awkwardness sa kanila nina Alden Richards, Maine Mendoza

Nilinaw ni Julie Anne San Jose na walang awkwardness sa pagitan nila ni Centerstage host and All-Out Sundays co-star Alden Richards.

"Parang wala naman pong awkwardness. Kasi ever since kahit no'ng Sunday PinaSaya, 'yung turing namin sa isa't isa, kaming mga cast, talagang okey kami, like family," paliwanag ni Julie sa GMANetwork.com noong opening ng Shinagawa Lasik & Aesthetics clinic sa Bonifacio Global City noong nakaraang Sabado, February 29.

"And then, nagkaroon ng All-Out Sundays, may chance ulit kami to work together, why not, di ba?"

Minsan na ring naging target ng bashers si Julie Anne nang kumalat ang usap-usapan sa social media na nali-link siya kay Alden noong kasagsagan ng AlDub noong 2015.

Bagamat matagal na nangyari ito, tila hindi naging madali sa fans na kalimutan ang isyung ito.

Naiiintidihan ni Julie na hindi niya kayang mapaligaya lahat ng fans and viewers.

"Ako naman, I'm not really here to please people naman. I'm just doing my job din.

"Kumbaga, parang bonus na lang na may mag-support, na may mga may gusto, may mga may ayaw din, na hindi rin naman sila pinipilit. I'm just doing my job."

Dagdag ni Asia's Pop Diva na "on good terms" naman sila ni Alden, maging ni Maine Mendoza.

"We're on good terms naman po talaga kami."

Sa katunayan, nagkatrabaho na sina Julie, Alden at Maine sa isang episode ng All-Out Sundays.

"Nagkaroon kami ng chance na magka-work together sa isang episode sa All-Out Sundays.

“Nagkaroon kami ng parang isang hosting opportunity. 'Tapos nagkaroon din ako ng production number kasama si Rayver [Cruz]."

Malaki ang paghanga ni Julie Anne kay Maine kaya naman magagandang salita lang ang masasabi niya tungkol sa Phenemonal star.

"Sobrang casual and you know, she's very, very nice. She's smart, she's talented.

"I think wala naman din naman dapat gawing issue kasi wala naman talaga.

"We're all very good," pagtatapos ni Julie Anne.

Panoorin ang panayam kay Julie Anne sa Kapuso Showbiz News video na ito: