Around GMA

Article Inside Page

Tunay na dream come true para sa Pinoy fans ang unang concert ng K-pop group na NCT Dream sa Pilipinas, na ginanap sa New Frontier Theater nitong February 29.

View this post on Instagram

A post shared by NCT DREAM OFFICIAL (@nct_dream) on Jan 8, 2020 at 5:42am PST

Napuno ng hiyawan at tili ang venue ng kanilang “The Dream Show in Manila” concert dahil sa world-class performance ng grupo ng kanilang hit songs na “Go,” “We Go Up,” at “Stronger.”

Samantala, dahil sa mainit na pagsalubong at suporta ng Pinoy fans, pinasalamatan sila ng grupo na binubuo nina Renjun, Jeno, Haechan, Jaemin, Chenle, at Jisung.

Sa araw ng concert ay gumawa rin ang fans ng dream wall para sa kanilang mga pangarap para sa kanilang mga sarili at lipunan. May mga nag-wish ng world peace at pagkapuksa ng COVID-19 na kasalukuyang nananalasa sa iba't ibang bansa.

Ang NCT ay isang boy group na binuo at pinamamahalaan ng SM Entertainment sa South Korea. Ang Dream ay isa sa mga sub-unit nito, at may sinusunod itong "graduation" system, kung saan “guma-graduate” ang mga member sa sub-unit kapag tumuntong na sila sa edad na 20. Nag-debut ang naturang sub-unit noong 2016.

Panoorin ang buong 24 Oras report tungkol sa unang concert ng NCT Dream sa Pilipinas:

NCT's Johnny sheds light on how K-pop albums are made

BLACKPINK's "BOOMBAYAH" sets new record as the first K-pop debut MV to hit 800M views