Solenn Heussaff, nagbabala tungkol sa fake home sanitation services

Ipinaalala ni Solenn Heussaff sa publiko na walang awtorisado ang gobyerno na magsagawa ng home sanitation sa panahon ng Luzon-wide 'enhanced community quarantine' kaugnay ng paglaganap ng coronavirus diseases 2019 (COVID-19).

Sa kanyang Instagram Story ngayong Martes, March 17, ipinost ng Kapuso actress ang pahayag ng Philippine News Agency tungkol dito.

Sabi rito, "There are NO groups intended for sanitization in homes being sent by the government.

"Please be careful and alert."

Babala pa ng official news agency ng goberyno, huwag basta-basta magpapapasok ng tao o grupo na nag-aalok ng sanitation service kontra COVID-19.

"Please alert all family and friends not to open the door to any person or group claiming to be in charge of any party to sanitize homes from the virus.

"These criminals have looted many houses with this deceptive method.

"Please circulate as broadly as necessary."

Ipinapatupad ang 'enhanced community quarantine' sa Luzon hanggang April 12.

Sa ilalim ng executive order na ito, istriktong ipinatutupad ang home quarantine at suspensyon ng pubic transportation.

Gayunpaman, mananatiling bukas sa publiko ang essential health and food services gaya ng supermarket, ospital, at pharmacy, at restaurant.