Hollywood movies na 'No Time To Die' at 'F9', postponed dahil sa COVID-19

Dahil sa banta ng COVID-19, postponed ang international release ng ilang Hollywood films.

Kabilang na dito ang No Time To Die na bagong pelikula mula sa action and espionage film series na James Bond. Ipapalabas sana ito sa April 10, pero inilipat na ang release date nito sa November 25.

Postponed rin ang release ng F9, na bagong pelikula mula sa hit action film series na The Fast and the Furious. Ipapalabas dapat ito sa May 23, pero inilapat na ang release nito sa susunod na taon, April 2, 2021.

Ang animated film naman na Peter Rabbit 2: The Runaway, na dapat ipapalabas ng April 3 ay nalipat sa August 7.

Samantala, postponed din pero wala pang date kung kailan ipapalabas ang mga pelikulang Mulan mula sa Disney, Black Widow mula sa Marvel, horror film na Antlers, superhero horror movie na The New Mutants, British film na The Personal History of David Copperfield at mga thriller films na A Quiet Place Part II, Antebellum, Run, The Woman in the Window at Spiral na mula naman sa Saw film series.

Sa Pilipinas, marami ring concerts at regional events ang na-cancel o na postpone dahil sa banta ng COVID-19.