Marian Rivera, nagluto ng menudo para sa COVID-19 frontliners
Nagluto si Marian Rivera ng specialty ng kanyang Lola Francisca na menudo na ipinamahagi niya at ni Dingdong Dantes sa mga COVID-19 frontliner sa Quezon City General Hospital.
Sa Instagram, ipinost ng Kapuso couple ang video ng prepasyon sa pagluluto ng aktres ng "Menudo ni Nanay Inkang."
Sabi ng Descendants of the Sun lead actor, "Ang paborito naming Menudo ni Nanay Ingkang--aming munting handog sa mga Frontliners natin sa Quezon City General Hospital ngayong gabi."
Nagpasalamat din si Dingdong sa health workers na nagbubuwis ng kanilang buhay para maiwasan ang paglaganap ng COVID-19.
Saad niya, "Maraming salamat sa inyong dedikasyon para sa kaligtasan naming lahat.
"Panalangin namin ang inyong kalakasan habang kinakaharap at tinatalo natin ang krisis na ito."